 |
| सामाग्री हस्तान्तरण समारोह |
पञ्चकन्या । शैक्षिक क्षेत्रमा कार्य गर्दै आएको गुड नेवर्स इन्टरनेशनल नेपालको आर्थिक तथा प्राविधिक सहयोगमा ग्रामिण विकास तथा सशक्तिकरण केन्द्र (रुडेक नेपाल)ले गत बर्ष फागुनदेखि नुवाकोटमा सञ्चालन गर्दै आएको एकीकृत सामुदायिक विकास परियोजना सम्पन्न गरेको छ ।
परियोजना अन्तर्गत नुवाकोटको पञ्चकन्या गाँउपालिकाको नव सञ्जिवनी मावि र मंगला आधारभुत विद्यालय तथा दुप्चेश्वर गाउपालिकाको सरस्वती माविमा बालमैत्री कक्षाकोठा व्यवस्थापनको लागी सामाग्री हस्तान्तरण गरेको छ । सामग्री हस्तान्तरण कार्यक्रममा पञ्चकन्या गाँउपालिकाको उपाध्यक्ष विमला केसी, वडा अध्यक्ष रामशरण श्रेष्ठ, रुडेक नेपालका अध्यक्ष मीनकुमार केसी, गुड नेवर्स इन्टरनेशनल नेपाल नुवाकोट प्रतिनिधि दिपक पौडेल, शिक्षा तथा संरक्षण अधिकृत राजेन्द्र पौडेल तथा परियोजना व्यवस्थापन समिति सदस्य अस्मिन कार्की लगायतको उपस्थितिमा सम्वन्धित विद्यालयको प्रधानाध्यापकलाई सामग्री हस्तान्तरण गरिएको छ ।
परियोजनाले हस्तान्तरण गरेको सामग्रीहरूमा राउण्ड टेवल, सामग्री राख्ने -याक, कुसन, कार्पेट, पिफर्म, स्मार्ट टिभि, पेन ड्राइभ, ह्वाइट बोर्ड तथा अन्य ३२ प्रकारका कक्षाकोठाको सिकाई सामग्रीहरूको सेट रहेको रुडेक नेपालका अध्यक्ष मीनकुमार केसीले जानकारी दिए । सामग्री हस्तान्तरण कार्यक्रममा पञ्चकन्या गाँउपालिकाको उपाध्यक्ष विमला केसीले सामग्रीहरूको उचित सदुपयोग गरी साना बिद्यार्थीहरूको सिकाई प्रभावकारी बनाउदै शैक्षिक गुणस्तरमा ध्यान दिनको लागी सामुदायिक विद्यालयको शिक्षकहरूलाई आग्रह गरेका छन् ।
No comments:
Post a Comment