Sunday, March 08, 2020

नुवाकोट–हेटौंडा छोटो सडक मार्गको खोजी

विदुर\नुवाकोट र रसुवा जिल्लाबाट बागमती प्रदेशको राजधानी हेटौंडा जोड्ने छोटो दुरीको सडक निर्माणका लागि प्रारम्भिक सर्वेक्षण भएको छ ।
धादिङको गल्छी गाउँपालिका र गजुरी गाउँपालिकाको सिमानामा पर्ने गैरी भन्ज्याङ थुम्कोबाट मकवानपुरको कैलाश, राक्सिराङ र मनहरी गाउँपालिका हुँदै बागमती प्रदेशको राजधानी हेटौंडा ५२ किलोमिटरमा पुग्नेगरी नयाँ सडकको सम्भावना देखेर सर्वेक्षण गरिएको बताइएको छ । अहिले गल्छीबाट नारायणगढ हुँदै हेटौंडा पुग्न १७० किलोमिटर सडक रहेको छ । सडकको स्तरोन्नती गरेर दुईतर्फी मोटर गुड्न सक्ने बनाउन लाग्ने लागतको अनुमान गरी बजेट बनाउन संघीय, प्रादेशिक र स्थानीय तहका सरकार र सरोकारवाला निकायसँग छलफल गरिने बताइएको छ । 

No comments:

Post a Comment